Universitetet i Innlandet har fire priser som deles ut årlig, hver på 50 000 kroner. Prisutdelingen er kommentert på universitetets hjemmesider under overskriften "Velfortjente prismarkeringer":
Prispengene blir overført fagmiljøet og skal brukes påfølgende år. Prisene er: utdanningskvalitetsprisen, forskningsprisen, samarbeidsprisen og arbeidsmiljøprisen.
Forskningsprisen skal sette fokus på, og stimulere til, fremragende forskning og kunstnerisk utviklingsarbeid (KU) ved Universitetet i Innlandet.
Årets vinner ble forskningsprosjektet FAITHED - Ikke-formell trosopplæring, offentlig skole og religiøse minoriteter i Norge - ledet av professor Anders Aschim ved Fakultet for lærerutdanning og pedagogikk (LUP).
Alle de fem FAITHED-forskerne som i dag arbeider ved Universitetet i Innlandet var til stede for å motta prisen. Noen takketale ble det ikke anledning til under festen, som også var en markering av høgskolens nye status som universitet. Men prosjektleder Anders Aschim la ut denne teksten på sin Facebook-profil:
Som prosjektleiar er eg svært takknemleg for denne prisen, som altså består av heider og ære, diplom og NOK 50 000. Vi er inne i ein svært arbeidskrevjande fase der dei tretten forskarane i prosjektet skriv på harde livet for å utmynte resultata våre i to vitskaplege antologiar, ein på norsk og ein på engelsk, i tillegg til artiklane som alt er publiserte eller er under innsending. Dessutan held vi på med planar for formidling til andre målgrupper i løpet av 2025. Forskingsprisen er ei stor og velkomen oppmuntring og anerkjenning av arbeidet vårt. Eg er særleg glad for at prisen går til eit humanistisk/samfunnsvitskapleg prosjekt som set religiøst mangfald på dagsorden, ein faktor som ofte går under radaren i det offentlege rommet, med mindre det da handlar om eit eller anna problem som kan knytast til religion.
Først og fremst: Takk til alle barna, dei unge, foreldra, lærarane og leiarane i dei fire moskeane og dei fire katolske kyrkjene som har snakka med oss og late oss vere med i undervisningssituasjonar. Du får ikkje vite kor dei er, å forske på barn, religion og minoritetar løyser ut alt som finst av personvernkrav.
Takk til skoleklassane, KRLE-lærarane og skoleleiarane som har svart på spørsmåla våre i fire barneskolar og fire ungdomsskolar ulike stader i Noreg.
Takk til den internasjonale rådgivargruppa for FAITHED-prosjektet, Jenny Berglund (Stockholm), Roisin Coll (Glasgow), Lene Kühle (Aarhus), Dominic Pasura (Glasgow) og Friedrich Schweitzer (Tübingen). Dei er viktige diskusjonspartnarar, lesarar og inspiratorar for oss.
FAITHED-prosjektet har ei lang forhistorie. I dei siste ti åra har eg interessert meg særleg for religion og migrasjon, meir spesifikt: for kva funksjon religiøse forsamlingar kan ha for menneske med ei migrasjonshistorie. Dette er ein type sivilsamfunnsinstitusjonar som eg lenge har meint får altfor lite kred for si viktige rolle i det eg gjerne kallar «integrering med små bokstavar».
I dei fleste av desse åra har eg gjort feltarbeid i norske katolske kyrkjer, kyrkjelydar dominerte av mangfaldige migrasjonsbakgrunnar. Det begynte medan eg arbeidde ved Høgskulen i Volda, i eit samarbeid med Møreforsking. Takk til Marte Giskeødegård, antropologen som lærte meg det eg veit om deltakande observasjon i feltarbeid. Det vesle prosjektet «Ora et labora: Katolske arbeidsinnvandrarar på Sunnmøre» resulterte mellom anna i boka "Kristne migranter i Norden" (2016) med bidrag frå norske, svenske, danske og finske forskarar.
Takk til sosiologen Lars Halvorsen (Volda) og geografen Marta Bivand Erdal (PRIO), som har vore med heilt frå denne tidlege fasen, som lærte meg å skrive søknader, og som har vore mine viktigaste «partners in crime» gjennom alle desse åra.
Takk til Høgskulen i Volda, som gjennom såkornidlar finansierte den første søknaden til Forskingsrådet om eit større prosjekt. Det tok fire forsøk før vi fekk løyving til FAITHED-prosjektet i 2021, dei to første sendt frå Volda, dei to siste frå Innlandet.
I mellomtida hadde eg flytta til Hamar og Universitetet i Innlandet, og prosjektet hadde utvikla seg frå å handle om katolikkar aleine til å inkludere muslimar, og frå å handle om arbeidsinnvandrarar til å handle om barna deira, dei som går i offentleg skole og samtidig i fritidsundervisning i ei religiøs forsamling. Prosjektet blei utforma i eit kollektivt samspel mellom kollegaer i Hamar og i Volda – og uunnverlege Marta. I 2019 gjorde forresten denne gruppa òg eit stunt-prosjekt der vi samtidig observerte katolske Corpus Christi-feiringar i seks katolske kyrkjelydar på ulike stader i Noreg, eit særs interessant uttrykk for katolsk einskap, kulturelt mangfald og synleg religiøsitet i offentlege rom.
FAITHED-prosjektet er òg forankra i ein sterk, solid og langvarig forskingstradisjon ved Universitetet i Innlandet knytt til språkleg, kulturelt og religiøst mangfald, med pionerar som Thor-Ola Engen, Sidsel Lied og Lars Anders Kulbrandstad, vidareført i forskargrupper som Flerkulturelt mangfold i utdanning (DivE), Globale perspektiver i utdanning (GLOBE), Språk og samfunn og Språkdidaktikk i flerspråklige kontekster. I gleda over forskingsprisen klarer eg ikkje la vere å tenkje over den såkalla «Matteus-effekten» - «Den som har, skal få, og det i overflod» (framhaldet siterer eg ikkje, det kan lesast i Matteusevangeliet kapittel 25, vers 29): Det skjer utruleg mykje forsking av høg kvalitet rundt meg i slike grupper, med langt trongare rammer enn det FAITHED-prosjektet har fått.
Takk til støtteapparatet ved Universitetet i Innlandet, som har vore heilt uvurderleg både i søknadsprosessen og for dei administrative sidene ved FAITHED-prosjektet.
Og sist, men ikkje minst: Ein stor gratulasjon og takk til det fantastiske FAITHED-teamet av religionsforskarar, samfunnsforskarar og utdanningsforskarar som eg får lov til å arbeide saman med: Ånund Brottveit (KIFO), Nora S. Eggen (INN/UiO), Marta Bivand Erdal (PRIO), Lars Halvorsen (Volda), Vebjørn L Horsfjord (INN/VID), Marianne Hustvedt (Volda), Anne Grethe Kjelling (INN), Ole Kolbjørn Kjørven (INN), Hildegunn Valen Kleive (Volda), Marianne Friisberg Larssen (PRIO/INN/UiO), Synnøve Markeng (INN), Thor-André Skrefsrud (INN). Prisen er til dykk. Den skal nyttast på INN, men vi skal saman finne ut korleis.
Anders Aschim